ஒரே மோதிரத்தில் 7,801 இயற்கை வைரங்கள் பயன்படுத்தப்பட்டுள்ளது.
சென்னை, அக்டோபர் 2020: ஹைதராபாத்தை சேர்ந்த வைர நகைகடையாகிய தி டயமண்ட் ஸ்டோர் பை சந்துபாய்யின் நிறுவனர் கோட்டி ஸ்ரீகாந்த் ஒரே மோதிரத்தில் அதிக வைர கற்களை பொருத்தி கின்னஸ் சாதனை படைத்துள்ளார். “தி டிவைன் – 7801 பிரம்ம வஜ்ர கமலம்” என பெயரிடப்பட்ட இந்த மோதிரத்தில் 7801 வைர கற்கள் பயன்படுத்தப்பட்டுள்ளது. இன்று அந்த மோதிரம் அவர்களின் கடையில் அறிமுகப்படுத்தப்பட்டது. இது நகை விற்பனை துறையில், தென்னிந்தியாவில் சாதிக்கப்பட்ட முதல் கின்னஸ் உலக சாதனை ஆகும்.
மருத்துவ குணங்கள் உடைய மற்றும் மிகவும் புனிதமாகக் கருதப்படும் அரிய மலரான பிரம்ம கமலத்தின் பெயர் இந்த மோதிரத்திற்கு சூட்டப்பட்டுள்ளது. வைரம் சமஸ்கிருதத்திலும், தெலுங்கிலும் வஜ்ரா என்று அழைக்கப்படுகிறது. மிகவும் இயற்கையான மற்றும் தூய்மையான வடிவத்தில் வழிபாட்டுக்கான பொதுவான பொருளாக அமைந்ததால் இந்த மலரின் பெயர் மோதிரத்திற்கு சூட்டப்பட்டுள்ளது. இந்த மோதிரம் செப்டம்பர் 2018 இல் கருத்துருவாக்கம் செய்யப்பட்டது, மேலும் அர்ப்பணிப்புடன் கூடிய கலை முயற்சி மற்றும் கைவினைத்திறன் காரணமாக அதன் நிறைவுக்கு சுமார் 11 மாதங்கள் எடுத்தது. இது எட்டு இதழ்களைக் கொண்ட ஆறு அடுக்குகளைக் கொண்டுள்ளது மற்றும் மேல் அடுக்கில் ஆறு இதழ்கள் மூன்று மகரந்தங்களைக் கொண்டுள்ளன.
2019 இல் இந்த மோதிரம் கின்னஸ் உலக சாதனைகளுக்கான சமர்ப்பிக்கப்பட்டது. பல சுற்று சரிபார்ப்பு மற்றும் சான்றுகள் பரிமாற்றத்திற்குப் பிறகு, செப்டம்பர் 2020 இல், கின்னஸ் உலக சாதனைகள் “ஒரே வளையத்தில் அமைக்கப்பட்ட பெரும்பாலான வைரங்கள்” என்னும் சான்றை வழங்கியது. பயன்படுத்தப்படும் வைரங்கள் இயற்கை வைரங்களாக இருக்க வேண்டும் என்று கின்னஸ் உலக சாதனை அதிகாரிகள் தெளிவாக இருந்தனர். பாரம்பரியமான இந்நிறுவனத்திற்க்கு அது ஒரு பெரிய சவாலாக இல்லை, மாறாக சுரங்கம் முதல் மோதிர தயாரிப்பு வரையிலுமான அனைத்து ஆதாரங்களும் கின்னஸ் நிறுவனத்துக்கு வழங்கப்பட்டது.
மோதிரத்தை வடிவமைத்த திரு கோட்டி ஸ்ரீகாந்த் கூறுகையில், நகைகளில் தனித்துவமான கலைத் படைப்புகளை உருவாக்குவதற்கான எனது ஆர்வத்தை அங்கீகரித்த கின்னஸ் உலக சாதனை நிறுவனத்திற்க்கு நன்றி கலந்த வணக்கத்தை தெரிவித்துகொள்கிறேன். நான் உருவாக்கிய தலைசிறந்த படைப்புக்கு உலக அளவில் விருது கிடைப்பது எனக்கு மிகுந்த மகிழ்ச்சியை அளிக்கிறது. இது எங்கள் படைப்புகளில் ஒரு பெரிய மைல்கல் ஆகும். மோதிரத்தை ஏலம் விடுவதன் மூலம் இந்த வெற்றியைப் எங்கள் வாடிக்கையாளர்களுடன் பகிர்ந்து கொள்ள விரும்புகிறோம் என்று கூறினார்.
கோட்டி ஸ்ரீகாந்த் நகை வடிவமைப்பில் கை வடிவமைப்பு மற்றும் கணினி நகை வடிவமைப்பு ஆகியவற்றில் டிப்ளோமா பட்டம் பெற்றவர். உஸ்மானியா பல்கலைக்கழகத்தில் எம்பிஏ பட்டம் பயின்றவர் மேலும் அமெரிக்காவின் ஜெமலாஜிக்கல் இன்ஸ்டிடியூட்-ஆல் சான்றளிக்கப்பட்ட வைர நிபுணர் ஆவார். நகை வடிவமைப்பில் அவரது ஈடுபாட்டை அவரது தந்தை திரு சந்திரபிரகாஷ் அவர்களிடம் பணி புரியும்போது வர்த்தகத்தின் நுணுக்கங்களைக் கற்றுக்கொண்டார்.
தி டயமண்ட் ஸ்டோர் குறித்து:
சந்துபாய் என்று பிரபலமாக அறியப்பட்ட திரு சந்திரபிரகாஷ் 50 வருட அனுபவமுள்ள இரண்டாம் தலைமுறை நகைக்கடை விற்பனையாளர் ஆவார், மேலும் தங்க நகைகளின் ஹால்மார்க் தங்க நகைகளை இந்தியாவுக்குக் கொண்டுவருவதில் அவர் முன்னணியில் இருப்பவர்களில் ஒருவர் மட்டுமல்லாமல், இந்தியாவின் முதல் ஹால்மார்க் சான்றளிக்கப்பட்ட நகை உற்பத்தியாளரும் ஆவார். 2009 ஆம் ஆண்டில், தந்தை மற்றும் மகன் (ஸ்ரீகாந்த்) ஆகிய இருவரும் ஹால்மார்க் ஜுவல்லர்ஸ் நிறுவனத்தை நிறுவினர், மேலும் அவர்கள் 2017 இல் சந்துபாய் டயமண்ட் ஸ்டோரைத் தொடங்கினர். இந்த கடை ஏற்கனவே ஹைதராபாத்தின் டயமண்ட் ஜூவல்லரி பிரியர்களிடையே உள்ளார்ந்த வடிவமைப்புகள் மற்றும் சிறந்த பணித்திறன் கொண்ட ஒரு இடத்தை உருவாக்கியுள்ளது. கின்னஸ் உலக சாதனை படைத்தவர்கள் என்பதால், அவர்களின் படைப்பு திறனை வெளிகாட்டுவது மட்டுமல்லாமல், கலை நகைகளை உருவாக்குபவர்களாக அவர்களின் பயணத்தில் ஒரு புதிய அத்தியாயத்தின் தொடக்கத்தையும் குறிக்கிறது.